ترکیہ عالمی مرکز بننے کے لیے بڑے پیمانے پر AI سرمایہ کاری کرنے میں سرگرم عمل ہے، وزیر کاجر
جمعرات کو استنبول میں منعقدہ GITEX AI Türkiye ایونٹ  سے خطاب کرتے ہوئے، کاجر نے کہا کہ حکومت، ملک کے جدت کے ماحولیاتی نظام کو وسیع کرنے کے لیے جامع معاونت متعارف کر رہی ہے۔
ترکیہ عالمی مرکز بننے کے لیے بڑے پیمانے پر AI سرمایہ کاری کرنے میں سرگرم عمل ہے، وزیر کاجر
(فائل فوٹو) کاجیر نے کہا کہ ترکیہ مصنوعی ذہانت پر مرکوز وینچر کیپیٹل فنڈز کے لیے 150 ملین ڈالر کی سرکاری فنڈنگ مختص کرے گا۔ / Anadolu Agency
 

وزیرِصنعت و ٹیکنالوجی مہمت فاتح کاجر نے کہا ہے کہ ترکیہ بڑے سرمائے کے ارتکازاور ایک نئے قومی ایکشن پلان کے ذریعے مصنوعی ذہانت (AI) کے میدان میں صفِ اول کے ممالک میں اپنی جگہ بنانے کا ارادہ رکھتا ہے۔

جمعرات کو استنبول میں منعقدہ GITEX AI Türkiye ایونٹ  سے خطاب کرتے ہوئے، کاجر نے کہا کہ حکومت، ملک کے جدت کے ماحولیاتی نظام کو وسیع کرنے کے لیے جامع معاونت متعارف کر رہی ہے۔

انہوں نے بتایا کہ اسوقت ترکیہ  میں 1,700 تحقیقاتی  و ترقیاتی مراکز کام کر رہے ہیں اور حکومت 115 ٹیکنوپارکس میں 13,000 سے زائد فرموں سے تعاون کر رہی ہے۔

ان کا کہنا تھا کہ سرکاری' فنڈ آف فنڈز' میکانزمز نے اسٹارٹ اپ ایکوسسٹم کے لیے 2.8 بلین ڈالر کو متحرک کیا ہے، جبکہ حال ہی میں اعلان کردہ 300 ملین  ڈالر کی کیپٹل فنڈز کے ذریعےاس  سیکٹر میں 750 ملین ڈالر سے زائد کی سرمایہ کاری لانے کی توقع ہے۔

انہوں نے مزید کہا  کہ ترکیہ کے پاس آٹھ یونیکورنز ہیں اور حکومت کا ہدف ایک لاکھ  ٹیکنالوجی اسٹارٹ اپ قائم کرنا ہے۔

جکاجر نے بتایا کہ حکومتِ ترکیہ سابق استنبول اتاترک ایئرپورٹ کے ٹرمینل کو دنیا کے سب سے بڑے اسٹارٹ اپ حب میں تبدیل کر رہی ہے تاکہ استنبول کی بین الاقوامی ٹیکنالوجی مرکز کے طور پر پوزیشن کو مضبوط کیا جا سکے۔

مصنوعی ذہانت میں سرمایہ کاری اور بنیادی ڈھانچہ

کاجر نے کہا کہ ترکیہ AI پر مرکوز وینچر کیپٹل فنڈز کے لیے عوامی مالی اعانت کے طور پر 150 ملین ڈالر مختص کرے گا۔

حکومت کے HIT-30 پروگرام، جو 30 بلین ڈالر  کا سپورٹ اقدام ہے، میں ڈیجیٹل تبدیلی کو تیز کرنے کے لیے AI پروجیکٹس کے لیے 1.6 بلین ڈالر  کی کال شامل ہے۔

2026 تا 2030 کے لیے AI ایکشن پلان کے تحت، ترکیہ عوامی سرمایہ کاری پروگراموں کے کم از کم 2 فیصد وسائل AI پروجیکٹس کے لیے مختص کرنے کا منصوبہ رکھتا ہے۔

2030 تک ملک ڈیٹا سینٹر کی صلاحیت کو ایک گیگاواٹ تک بڑھانے اور کلاؤڈ ٹیکنالوجیز اور ڈیجیٹل انفراسٹرکچر میں نجی سرمایہ کاری کے طور پر کم از کم 10 بلین ڈالر متحرک کرنے کا ہدف رکھتا ہے۔

کاجر نے یہ بھی کہا کہ حکومت جلد ہی  بلگے کے نام سےایک بڑا لسانی ماڈل، کا پہلا ورژن ڈویلپرز کے لیے جاری کرے گی۔

انہوں نے قومی الیکٹرک گاڑی Togg کی بھی نشاندہی کی اور کہا کہ تقریباً 120,000 گاڑیاں اب ترکیہ کی سڑکوں پر موجود ہیں۔

 

دریافت کیجیے
میں خود کو احمق محسوس کر رہا ہوں: مسک
ترکیہ کا تحقیقاتی بحری جہاز ’’اورچ رئیس‘‘ پاکستان روانہ گیا
دفاعی معاہدے کا مقصد ترکیہ اور قطر کی خودمختاری کا تحفظ کرنا ہے: ترکیہ وزارتِ دفاع
یورپی یونین کمیشن پر سائبر حملہ
ایران: ہم نے کویت میں امریکی پیٹریاٹ فضائی دفاعی نظام کو نشانہ بنایا ہے
ترکیہ: "کوپ 31 انطالیہ۔غزہ موسمیاتی راہداری" قائم کی جائے
مغربی کنارے میں غیر قانونی یہودی بستیوں کے معاملے پر آسٹریلیا کی اسرائیلی شہریوں پر پابندیاں
امریکہ کے ایران کے جزیرہ قشم پر متعدد حملے
روس:یوکرین نے ایک بار پھر کریمیا پل کو نشانہ بنایا ہے
امریکہ: ٹرمپ کے ایک تہائی سے زیادہ حامیوں نے ووٹ نہیں دیا
وزیر خارجہ حاقان فیدان: ترکیہ کے مرکزی کردار کو ہر کوئی قدر کی نگاہ سے دیکھتا ہے
ٹرمپ، ایران کے ساتھ جنگ کو لمبا نہیں ہونے دیں گے: وینس
امریکی انٹیلی جنس کا دعویٰ: ایران واشنگٹن میں ’ڈرٹی بم‘ حملے کی منصوبہ بندی کر رہا ہے
اسپین: لاکھوں کی شرکت سے ملک گیر ہڑتال
یورپی یونین کی اعلیٰ نمائندہ کایا کالاس نے روس کے مذاکراتی مطالبات کو ’’بے معنی‘‘ قرار دے دیا