امریکی سینیٹر برائن شاٹز نے اسرائیل پر زور دیا ہے کہ وہ، غزہ میں امداد و بچاؤ کا سامان، تعمیراتی سامان اور موسمِ سرما کے لئے ضروری اشیا کے داخلے کی، فوری اجازت دے۔
انہوں نے خبردار کیا ہے کہ سردیوں کا یخ بستہ موسم غزہ میں انسانی بحران کو مزید گھمبیر بنا رہا ہے۔ شاٹز نے کہا ہے کہ جو تکالیف غزّہ کے شہری برداشت کر رہے ہیں وہ ناقابلِ حل نہیں ہیں اور اس صورتحال سے نمٹنے کے لیے فوری اقدامات کی ضرورت ہے۔
