7ستمبر کو الاسکا کے بحیرہ بیرنگ سے ایک پندرہ سالہ بچے کو موت کے منہ سے نکال لیا گیا۔ بچہ دو دن سے اُلٹی ہوئی کشتی کے پیندے پر سوار زندگی اور موت کی جنگ لڑ رہا تھا۔
مچھلیاں پکڑنے کے لئے اس کی ہمراہی کرنے والے اس کے بھائی اور چچازاد کو مردہ حالت میں پانی سے نکالا گیا۔
امریکن فضائی کوسٹ گارڈ ٹیم نے اُلٹی ہوئی کشتی کے مقام کی نشاندہی کر کے زندہ رہنے کا ضروری سامان پہنچایا اور بعد میں کشتی کے قریب سے گزرتی ایک اور کشتی نے جم کر مرنے کے خطرے سے دوچار بچے کو بچایا۔