شمالی غزّہ سے آنے والی ایک ویڈیو میں ارد گرد کے لوگ، 13 مئی کو جبالیہ مہاجر کیمپ کے جوار میں اسرائیلی نشانے باز کی طرف سے نشانہ بنائے گئے، ایک شخص کو بچاتے دِکھائی دے رہے ہیں۔

غزّہ وزارتِ صحت کے مطابق اسرائیلی فوجیں، اکتوبر 2023 سے تاحال، 72 ہزار 500 سے زائد فلسطینیوں کو قتل کر چُکی ہیں۔ زیادہ تر اموات جبالیہ، نصیرات، بریج اور مغازی جیسے مہاجر کیمپوں اور بے گھر فلسطینیوں کے خیموں کی جگہوں یا پھر ان کے اطراف میں ہوئی ہیں۔ اسرائیلی حملوں میں ہزاروں افراد زخمی بھی ہوئے ہیں۔ متاثرین کی اکثریت مہاجر کیمپوں کے خیموں اور ٹوٹی پھوٹی پناہ گاہوں میں مقیم شہریوں پر مشتمل ہے۔