ایران نے، کئی ہفتوں سے عملاً بند' آبنائے ہرمز 'سے پاکستانی پرچم بردار مزید  20 جہازوں کو گزرنے کی اجازت دے دی ہے۔

پاکستان کے وزیرِ خارجہ اسحاق ڈار نے سوشل میڈیا ایکس سے جاری کردہ بیان میں اس اقدام کی تصدیق کی  اور اسے ایک قابلِ تعریف  تعمیری  قدم قرار دیا ہے۔

انہوں نے کہا ہے کہ "یہ قدم امن کا پیامبر ہے اور خطے میں قیامِ استحکام  میں معاونت کرے گا"۔

اسحاق ڈار نے مزید کہا ہے کہ "مکالمہ، سفارتکاری، اور اس نوعیت کے فروغِ اعتماد  والے اقدامات ہی آگے بڑھنے کا واحد راستہ ہیں"۔

واضح رہے کہ پاکستان آج بروز  اتوار، مشرقِ وسطیٰ کی جنگ پر، ایک چار ملکی اجلاس کی میزبانی کرنے جا رہا ہے۔

ترکیہ، پاکستان، مصر اور سعودی عرب کے اعلیٰ سفارت کار اسلام آباد میں  ملاقات کریں گے۔

ملاقات کا مقصد   ایران کے خلاف مہینے بھر سے جاری امریکہ۔اسرائیل جنگ کے باعث  مشرقِ وسطیٰ میں بگڑتی ہوئی کشیدگی میں  کمی کی کوششوں پر بات چیت کرنا ہے۔  

ایران نے آبنائے  ہرمزکو  مارچ کے اوائل سے عملی طور پر بند کر رکھا  ہے۔

یہ بحری درّہ جنگ سے قبل اوسطاً روزانہ 138 جہازوں کی  گزرگاہ  تھا۔