روسی دفاعی وزارت نے کہا ہے کہ ایک ہی شب میں 660 یوکرینی ڈراون مار گرائے گئے، جو تصادم کے آغاز کے بعد سے ایک اعلیٰ ترین اعداد میں سے ہیں۔

وزارت نے جمعہ کو روس کے سرکاری میکس پلیٹ فارم پر کہا کہ ڈراون ایک درجن سے زائد علاقوں میں تباہ کیے گئے، جن میں روس کا دارالحکومت اورالحاق شدہ کریمیا جزیرہ نما، بحیرہ اسود اور بحیرہ آزوف شامل ہیں۔

ماسکو کے میئر سرگئی سوبیانن نے کہا کہ کم از کم 47 ڈراون جو دارالحکومت کی طرف آ رہے تھے، انہیں روکا گیا۔

سوبیانن نے ٹیلیگرام پر کہا کہ "ڈراونز کا ملبہ کرنے والے مقامات پر ہنگامی خدمات کے ماہرین کام کر رہے ہیں،  کسی جانی یا مالی نقصان کی اطلاع نہیں  ہے۔

خطے کے گورنر دمتری میلیایف  کا کہنا ہے کہ ماسکو کے جنوب میں تقریباً 180 کلومیٹر واقع ،تولا علاقے پر بھی 'وسیع پیمانے کے' ڈراون حملے ہوئے ہیں۔

یوکرین نے حالیہ مہینوں میں، خاص طور پر توانائی کے بنیادی ڈھانچے کو نشانہ بناتے ہوئے، طویل فاصلے کے ڈرون حملوں کے سلسلے میں تیزی لائی ہے، جس کا مقصد کریملن کو جنگی فنڈز کے لیے آمدنی کے ایک اہم ذریعہ سے محروم کرنا ہے۔

گزشتہ ہفتے ایک یوکرینی حملے نے ماسکو کے جنوب مشرق میں واقع ایک ریفائنری میں آگ لگا دی تھی۔