روسی حکام نے  اطلاع دی ہے کہ ایک وسیع پیمانے کے  ڈرون حملے کہ  جس میں 650 ڈرون شامل تھے، نے رات بھر ماسکو اور اس کے اطراف کے علاقے کو نشانہ بنایا، جس دوران  ایک شخص ہلاک ہو گیا۔

علاقے کے گورنر اندری ووروبیوف نے کہا کہ  ایک 20سالہ نوجوان ماسکو کے  ایک مضافاتی گاؤں میں ہلاک ہوا، جبکہ کئی مکانات کو نقصان پہنچا، ۔ خبر رساں ایجنسی RIA نووسٹی نے رپورٹ کیا کہ چھ افراد بھی زخمی ہوئے۔

ریاستی خبر رساں ایجنسی طاس نے اس حملے کو گزشتہ دو سالوں میں ماسکو اور اس کے اطراف پر ہونے والے دوسرے سب سے بڑے ڈرون حملے کے طور پر بیان کیا۔

روس اور یوکرین نے حالیہ ماہوں میں طویل فاصلے کے حملوں میں شدت لائی ہے، جن میں شہری اور صنعتی بنیادی ڈھانچے سمیت توانائی، نقل و حمل اور بندرگاہوں، نیز بحیرہ اسود میں موجود  بحری جہازوں کو بھی نشانہ بنایا گیا ہے۔

روس نے کہا ہے کہ موسمِ سرما کے قریب آتے ہی وہ کیف سمیت انفراسٹرکچر اہداف پر حملوں میں اضافہ کرنے  کی منصوبہ بندی کر رہا  ہے۔