اس حملے کے نتیجے میں چار طبی اہلکار زخمی ہوئے اور ایک ایمبولینس کو شدید نقصان پہنچا۔مبصرین کے مطابق، "ڈبل ٹیپ" حملے وہ حربہ ہے جو اسرائیل غزہ جنگ کے آغاز سے ہی معمول کے مطابق استعمال کر رہا ہے۔ اس حربے میں دوسرے حملے کا مقصد پہلے حملے کے بعد جائے وقوعہ پر پہنچنے والے امدادی کارکنوں اور ریسکیو ٹیموں کو ہلاک کرنا ہوتا ہے۔ 2 مارچ 2026 کو لبنان پر اسرائیلی حملوں میں تیزی آنے کے بعد سے اب تک کم از کم 60 طبی عملے کے ارکان اور ہلالِ احمر کے رضاکار شہید ہو چکے ہیں، جبکہ سینکڑوں زخمی ہیں۔