روسی وزیر خارجہ سرگئی لاوروف نے کہا کہ امریکہ بحرِ بالٹک میں واقع نورد اسٹریم گیس پائپ لائنوں پر کنٹرول حاصل کرنے کی کوشش کر رہا ہے، جو ستمبر 2022 میں ایک پراسرار دھماکے سے تباہ ہو گئی  تھیں۔

وہ دھماکے جنہوں نے تین سال سے زائد پہلے ان پائپ لائنوں کو تباہ کیا، نے بڑی حد تک روسی گیس کی یورپ تک منتقلی کو منقطع کر دیا، جس سے براعظم میں توانائی کی رسد  میں تنگی آئی، حالانکہ روس نے پہلے ہی زیادہ تر ترسیلات بند کر رکھی تھیں۔

روس اور مغربی ممالک دونوں نے کہا ہے کہ یہ واقعہ تخریب کاری کا عمل تھا۔ تفتیش کاروں نے برسوں تک اس معمہ کو سلجھانے کی کوشش کی کہ اس کے پیچھے کون تھا اور گزشتہ سال اٹلی میں ایک یوکرینی شہری کو ان   حملوں کے شبے میں گرفتار کیا گیا۔

فرانسیسی ٹیلی ویژن سے ایک انٹرویو میں، لاوروف نے جمعرات کو امریکہ پر الزام لگایا کہ وہ عالمی توانائی کے بازاروں پر غلبہ حاصل کرنے کی کوشش کر رہا ہے،  انہوں نے اس کی مثال کے طور پر وینیزویلا — جہاں واشنگٹن اب ملک کے وسیع تیل ذخائر پر قابلِ ذکر کنٹرول رکھتا ہے — اور ایران میں ہونے والی پیش رفت کا حوالہ دیا۔

روسی وزارتِ خارجہ کی جانب سے شائع کردہ انٹرویو کے متن کے مطابق لاوروف نے کہا کہ"امریکہ اب یہ بھی کہہ رہا ہے کہ وہ نارد اسٹریم پائپ لائنوں پر قبضہ کرنا چاہتا ہے۔"

تا ہم انہوں نے کوئی تفصیلات فراہم نہیں کیں۔

دی وال اسٹریٹ جرنل نے 2024 میں رپورٹ کیا کہ ایک امریکی سرمایہ کار، سٹیفن پی. لنچ، نورد اسٹریم 2 کی دو شاخی پائپ لائن کو خریدنے کی کوشش کر رہا تھا، جن میں سے ایک لائن اب بھی سالم ہے۔