لبنانی میڈیا کے مطابق، جنوبی لبنان میں اسرائیلی حملوں میں چار افراد ہلاک اور متعدد زخمی ہوئے ہیں، جو جاری جنگ بندی کی نئی خلاف ورزیاں قرار دی گئی ہیں۔

ریاستی قومی خبر رساں ایجنسی نے کہا کہ صور کے  شہر دیر کیفا میں ایک فضائی حملے میں دو افراد ہلاک اور ایک زخمی ہوا۔

اسی ذریعے نے بتایا کہ جنوبی لبنان میں ایک موٹرسائیکل کو نشانہ بنا کر ڈرون حملے میں دو مزید افراد ہلاک ہوئے۔

یہ تازہ ترین واقعات اس وقت سامنے آئے جب اسرائیلی افواج نے منگل کو لبنان بھر میں 57 حملے کیے، جو 2 مارچ کے بعد کی تازہ ترین کشیدگی ہے۔

جوابی کارروائی میں حزب اللہ نے اسرائیلی ٹینکوں، عسکری گاڑیوں، فوجی اجتماعات اور ایک اینٹی آرمَر پوزیشن کو نشانہ بناتے ہوئے 17 حملے کیے۔

اگرچہ 17 اپریل کو جنگ بندی کا اعلان کیا گیا تھا اور اسے 17 مئی تک بڑھایا گیا تھا  البتہ  اسرائیلی افواج روزانہ حملے اور درجنوں دیہاتوں میں گھروں کی وسیع پیمانے پر تباہی جاری رکھے ہوئے ہیں۔

لبنان کی وزارتِ صحت نے منگل کو کہا کہ 2 مارچ سے اسرائیلی حملوں میں ہلاکتوں کی تعداد 2,702 تک پہنچ گئی ہے جبکہ 8,311 افراد زخمی ہوئے ہیں۔