طبی عملے کے مطابق، غزہ میں جاری جنگ بندی معاہدے کی تازہ خلاف ورزی میں مزید تین فلسطینی ہلاک اور 11 دیگر زخمی ہوئے ہیں۔

ایک طبی ذرائع نے انادولو ایجنسی کو بتایا کہ شمالی قصبے جبالیا میں ایک اسرائیلی ڈراون نے موٹر سائیکل کو نشانہ بنایا، جس کے نتیجے میں ایک فلسطینی ہلاک اور تین زخمی ہو گئے۔

ذرائع نے کہا کہ وسطی شہر دیر البلاح میں شہریوں کے اجتماع کو نشانہ بنانے والے ایک ڈرون حملے میں ایک اور فلسطینی ہلاک ہوا۔

ایک ڈرون حملے نے جنوبی غزہ کے خان یونس کے شمال میں القرا رۃ پل کے قریب بھی ایک فلسطینی کو ہلاک اور ایک کو زخمی کر دیا۔

اسی ذرائع کے مطابق  خان یونس کے جنوب مغرب میں المواسی میں بے گھر افراد کے خیموں کی طرف اسرائیلی فوجی گاڑیوں نے فائرنگ کی، جس سے تین افراد زخمی ہو گئے۔

غزہ شہر میں اسرائیلی جنگی کشتیوں سے  ساحل کے قریب ماہی گیروں پر فائرنگ سے تین ماہی گیر زخمی ہو گئے۔

10 اکتوبر 2025 کو نافذ ہونے والی جنگ بندی کے باوجود، اسرائیلی فوج نے غزہ میں اپنی روزانہ کی حملے جاری رکھے ہوئے ہیں، جس کے نتیجے میں کم از کم 1,203 فلسطینی ہلاک اور 3,900 دیگر زخمی ہوئے ہیں، یہ اعداد و شمار غزہ کی وزارت صحت کے مطابق ہیں۔

اسرائیلی فوج نے اکتوبر 2023 سے اپنی نسل کشی کی جنگ میں 73,000 سے زائد افراد کو ہلاک اور 174,000 سے زائد کو زخمی کیا ہے۔ اس نے علاقے کو تباہ و برباد کر دیا ہے، اور اقوام متحدہ کے مطابق  غزہ کی تعمیر نو کی لاگت تقریباً 70 ارب ڈالر ہے۔