لاس اینجلس فائر ڈیپارٹمنٹ  کا کہنا ہے کہ لاس اینجلس کے چیٹس ورتھ علاقے میں منگل کی شام ایک ہیلی کاپٹر گر کر جل گیا، اس حادثے میں  تین افراد ہلاک  جبکہ ایک شخص زخمی ہو گیا۔

بیان میں کہا گیا  ہے کہ  حادثے کی تفتیش نیشنل ٹرانسپورٹیشن سیفٹی بورڈ (NTSB) اور فیڈرل ایوی ایشن ایڈمنسٹریشن (FAA) کریں گے۔

اس سے قبل  مقامی میڈیا نے رپورٹ کیا تھا کہ یہ ہیلی کاپٹر این بی سی ٹی وی چینل کا تھا  اور وہ گرنے سے قبل ایک بڑے بس حادثے کی جگہ کی کوریج کر رہا تھا، جس میں کم از کم دو افراد ہلاک ہو گئے تھے۔

LAFD کے کیپٹن برینڈن سلورمین نے صحافیوں سے کہا کہ وہ یہ قیاس آرائی نہیں کرنا چاہتے کہ یہ نیوز ہیلی کاپٹر تھا کیونکہ 'ہم نے  تاحال  اس کی تصدیق نہیں کی۔'