لبنانی میڈیا کے مطابق  عارضی جنگ بندی کی ایک نئی خلاف ورزی میں، اسرائیلی فوج نے لبنان کے جنوبی قصبہ خیام میں ایک سرکاری اسکول کی عمارت تباہ کر دی۔

سرکاری قومی خبر رساں ایجنسی نے کہا کہ اسرائیلی دستوں نے عمارت میں دھماکہ خیز مواد نصب کیا اور رات کے دوران اسے دھماکے سے اڑا دیا، جس سے عمارت مکمل طور پر زمین بوس ہو گئی۔

اس واقعے پر اسرائیلی فوج کی جانب سے فوری طور پر کوئی تبصرہ سامنے نہیں آیا۔

لبنانی حکام کے مطابق، 2 مارچ  سے  اسرائیل کےلبنان میں حملوں میں  تقریباً 2,300 افراد ہلاک، 7,500 سے زیادہ زخمی اور ایک ملین سے زائد  بے گھر ہو چکے ہیں۔

امریکی صدر ڈونلڈ ٹرمپ نے جمعرات کو لبنان میں 10 روزہ جنگ بندی کا اعلان کیا، جو انہوں نے لبنانی صدر جوزف عون اور اسرائیلی وزیر اعظم بنیامین نیتن یاہو سے بات چیت کے بعد کیا تھا۔