کویتی حکام نے اتوار کو بتایا کہ ملک کے دو بجلی اور نمک کشی (ڈی سالینیشن) پلانٹس ایرانی ڈرونز کے حملوں سے نشانہ بنے، جس سے بڑے پیمانے پر مادی نقصان ہوا اور دو پاور جنریشن یونٹس غیر فعال ہو گئے۔

کویتی فوج نے کہا کہ کویتی فضائی دفاع اس وقت حَملہ آور میزائلوں اور ڈرونز کے خطرات کا جواب دے رہی ہے۔

فوج نے مزید کہا کہ جو بھی دھماکے سنے گئے وہ فضائی دفاعی نظاموں کی جانب سے کئے گئے انٹرسپشنز کا نتیجہ تھے۔

کویت کی وزارتِ خزانہ نے کہا کہ ایک ایرانی ڈرون حملے نے کویت  شہر  میں سرکاری وزارتی کمپلیکس کو شدید  نقصان پہنچایا،تاہم ہلاکتیں رپورٹ نہیں ہوئیں۔

وزارت نے بتایا کہ یہ حملہ ہفتے کی رات دیر گئے دارالحکومت میں کمپلیکس کی عمارت کو نشانہ بنا کر کیا گیا تھا۔

ایمرجنسی ٹیموں اور متعلقہ حکام نے منظورہ طریقہ کار کے مطابق فوری طور پر واقعے کو سنبھالنے کے اقدامات شروع کر دیے۔

 دوسری جانب، کویت پیٹرولیم کارپوریشن نے کہا کہ الشویخ آئل سیکٹر کمپلیکس میں جس میں تیل کی وزارت اور اس کا ہیڈکوارٹر واقع ہے ایک ڈرون حملے کے بعد آگ بھڑک اٹھی۔

کسی قسم کے جانی نقصان کی اطلاع نہیں ملی اور ایمرجنسی و فائر فائٹنگ ٹیمیں آگ کو قابو میں کرنے کی کوشش کر رہی تھیں۔