صدر رجب طیب ایردوان نے، گزشتہ برسوں میں اقوامِ متحدہ کی جنرل اسمبلی میں اپنی تقریروں کی طرح، امسال بھی عالمی ناانصافیوں کی طرف توجہ مبذول کروائی اور ایک زیادہ منصفانہ نظام کا مطالبہ کیا۔

صدر ایردوان کا اقوامِ متحدہ کی جنرل اسمبلی میں 16واں خطاب سوشل میڈیا پلیٹ فارمز پر بھی وسیع پیمانے کی دلچسپی کا باعث بنا۔ صارفین نے تقریر سے متعلق پوسٹس میں"انصاف کی صدا ایردوان"، "#ایردوان_انصاف_کی_آواز" اور "دنیا پانچ سے بڑی ہے" جیسے ٹیگز استعمال کیے۔

ان ٹیگز کے ساتھ لاکھوں کی تعداد میں پوسٹس کی گئیں، جبکہ ان پوسٹس کے کلکس اربوں تک پہنچ گئے۔

انصاف کی صدا ایردوان، #ایردوان_انصاف_کی_آواز اور 'دنیا پانچ سے بڑی ہے' والے ہیش ٹیگز نے مختصر وقت میں ترکیہ اور عالمی ایجنڈے میں پہلی جگہ حاصل کر لی۔

صدر ایردوان کی تقریر میں دیے گئے اہم پیغامات سوشل میڈیا صارفین کی شیئرنگ میں نمایاں رہے۔

ایردوان کا اقوامِ متحدہ کی جنرل اسمبلی میں خطاب مختلف ممالک کے صارفین کی شیئرز کے ذریعے ڈیجیٹل پلیٹ فارمز پر عالمی سطح پر موضوعِ بحث بن گیا۔