صدر وولودیمیر زیلنسکی نے کہا ہے کہ یوکرینی فوجی ماہرین نے مشرق وسطیٰ کے کئی ممالک میں ایرانی ڈرونز کو مار گرایا ہے۔

کییف نے کم از کم چار مشرق وسطیٰ کے ممالک میں اینٹی ڈرون عملہ بھیجا، جب امریکہ اور اسرائیل کے ایران پر حملوں کے بعد جوابی ڈرون حملوں کی لہر شروع ہوئی۔

  زیلنسکی نے جمعہ کو پابندی کے تحت جاری کیے گئے تبصروں میں صحافیوں کو بتایا  کہ ہم نے کچھ ممالک کو دکھایا کہ انٹرسیپٹرز کے ساتھ کیسے کام کیا جاتا ہے۔ ہم نے انہیں تباہ کیا ،کیا ہم نے یہ صرف ایک ملک میں کیا؟ نہیں،  ایسا کئی ملکوں میں کیا ہے۔

 انہوں نے ایرانی ڈرونز کا حوالہ دیتے ہوئے کہا کہ یہ تربیتی مشن یا مشقوں کے بارے میں نہیں تھا، بلکہ ایک جدید فضائی دفاعی نظام کی تعمیر میں مدد کے بارے میں تھا جو واقعی کام کر سکے۔ ہاں، وہ شاہد ڈرونز کو مار گرا رہے تھے

زیلنسکی نے اس ہفتے کے اوائل میں کہا تھا کہ یوکرینی ڈرون یونٹس اس وقت بھی خطے میں رہیں گے جب امریکہ اور ایران دو ہفتوں کی جنگ بندی پر متفق ہو جائیں گے۔

،" انہوں نے  مزید کہا کہ  ہماری مدد اور مہارت کے بدلے میں ہمیں مختلف چیزیں ملیں گی۔ کچھ معاملات میں ہمارے توانائی کے بنیادی ڈھانچے کے تحفظ کے لیے انٹرسیپٹرز شامل ہیں ،دیگر میں مالی انتظامات ہیں کہ یوکرین کو تیل کی فراہمی بھی مل سکتی ہے۔

 زیلنسکی نے ایران جنگ بندی کے بعد روسی تیل پر پابندیاں دوبارہ نافذ کرنے کا مطالبہ کیا

 دریں اثنا، زیلنسکی نے یہ بھی کہا کہ وہ چاہتے ہیں کہ امریکہ و اسرائیل-ایران جنگ بندی کے معاہدے کے بعد روس پر توانائی کی پابندیاں دوبارہ نافذ کی جائیں، جس سے آبنائے ہرمز جو عالمی توانائی کی فراہمی کے لیے نہایت اہم ہے دوبارہ کھل سکتی ہے۔

 زیلنسکی نے کہا کہ اب مشرق وسطیٰ اور خلیج میں جنگ بندی شروع ہو رہی ہے۔ اور میں انتظار کر رہا ہوں کہ روسی تیل پر پابندیاں مکمل طور پر دوبارہ نافذ کی جائیں، جیسا کہ پہلے تھیں۔

گزشتہ ماہ امریکہ نے مشرق وسطیٰ کی جنگ کے باعث بڑھتی ہوئی توانائی کی قیمتوں سے نمٹنے کے لیے روس پر کچھ تیل کی پابندیاں نرم کر دی تھیں۔ کییف اور اس کے اتحادیوں نے خبردار کیا کہ اس اقدام سے روس-یوکرین جنگ کی مالی معاونت ہو سکتی ہے۔

امریکی چھوٹ نے ممالک کو 11 اپریل تک سمندر میں موجود روسی تیل خریدنے کی اجازت دی۔

کریملن نے اس فیصلے کا خیرمقدم کرتے ہوئے امریکہ سے مزید اقدامات کرنے کا مطالبہ کیا۔

زیلنسکی نے مزید کہا کہ یوکرین کے شراکت داروں نے کییف سے کہا تھا کہ ایران جنگ سے منسلک قیمتوں میں اضافے کے پس منظر میں روسی تیل کے مقامات پر طویل فاصلے کے حملے روک دیے جائیں۔