بھارتی شمال مشرقی صوبے آسام میں شدید بارشوں سے پیدا ہونے والے سیلابوںمیں ہلاکتوں کی تعداد 100 تک پہنچ گئی۔
آسام ریاستی آفات مینجمنٹ اتھارٹی نے اعلان کیا ہے کہ ریاست بھر میں آنے والے سیلابوں میں گزشتہ 24 گھنٹوں میں مزید دو افراد ہلاک ہوئے۔
جس کے بعد سیلاب کے باعث ہلاک شدگان کی کل تعداد 100 ہو گئی ہے۔
آسام کے وزیراعلیٰ ہمنتا بسوا شرما نے ایکس سوشل میڈیا پلیٹ فارم پر کہا کہ ریاست کے 25 اضلاع میں 11 لاکھ سے زائد افراد سیلاب سے متاثر ہوئے ہیں۔
شدید بارشوں اور سیلابوں نے ریاست کے بنیادی ڈھانچے کو بھی بھاری نقصان پہنچایا ہے، اور ریاست بھر میں 16,951 ہیکٹر زرعی علاقہ زیرِ آب آگیا ہے۔
خیال رہے کہ جنوبی ایشیا میں ماہِ جون سے ستمبر تک جاری مون سون بارشیں بھارت اور پاکستان سمیت خطے کے ممالک میں ہر سال بڑے پیمانے پر قدرتی آفات اور حادثات کا سبب بنتی ہیں۔
