روسی سرکاری میڈیا کے مطابق، بدھ کے روز روس کے وسطی علاقے یکاترنبرگ  کے قریب ایک گاڑی میں ہونے والے دھماکے میں روسی ڈرون بنانے والی کمپنی کے سربراہ شدید زخمی ہو گئے ہیں۔

تاس نیوز ایجنسی نے ہنگامی خدمات کے حوالے سے بتایا ہے کہ اورال ڈرون زاوود کے چیف ایگزیکٹو آفیسر ولادیمیر ٹکاچک  کو ہسپتال منتقل کر دیا گیا ہے جہاں وہ انتہائی نگہداشت کے وارڈ میں داخل ہیں۔

ایک ہنگامی اہلکار نے تاس کو بتایا کہ ان کی حالت تشویشناک ہے اور وہ آئی سی یو میں ہیں۔

 ڈاکٹر ان کی زندگی بچانے کی کوشش کر رہے ہیں۔

دھماکے کی وجہ ابھی تک معلوم نہیں ہو سکی ہے، اور روسی حکام نے اس بات پر کوئی تبصرہ نہیں کیا  اور نہ ہی اس کا ذمہ دار یوکرین کو ٹھہرایا ہے۔

یورال ڈرون زاوود تیار کرتی ہے جس میں روسی افواج کی طرف سے استعمال ہونے والا 'اوپیر'  نامی فرسٹ پرسن ویو  ڈرون بھی شامل ہے۔

جنگ کے آغاز کے بعد سے، کئی اعلیٰ روسی فوجی حکام اور روس کی دفاعی صنعت سے وابستہ افراد دھماکوں اور دیگر حملوں کا نشانہ بن چکے ہیں جن کا الزام ماسکو اکثر یوکرین پر لگاتا رہا ہے۔