چین کے مشرقی حصے کو لپیٹ میں لینے والے ڈولفن طوفان کے باعث شدید بارش اور تیز بادی جھکڑوں کے نتیجے میں علاقے کی فضائی، ریلوے اور بحری نقل و حمل متاثر ہوئی اور 15 لاکھ سے زائد افراد کو محفوظ مقامات پر منتقل کر دیا گیا ہے۔
وینژو میں تقریباً 9 لاکھ افراد کو اور صوبہ ژے جیانگ کے شہر تائی ژو میں تقریباً 3 لاکھ 90 ہزار افراد کو محفوظ مقامات پر منتقل کر دیا گیا ہے۔ روزنامہ چائنا ڈیلی کے مطابق، شنگھائی میں بھی 2 لاکھ 15 ہزار افراد کو خطرناک علاقوں سے نکال لیا گیا ہے۔
طوفان کے باعث پڈونگ انٹرنیشنل ایئرپورٹ اور ہونگ چیاؤ ایئرپورٹ کی پروازوں کا نظام متاثر ہوا اور پیر کے روز شنگھائی میں ایک ہزار سے زائد پروازیں منسوخ کر دی گئی ہیں۔
سیلاب اور لینڈ سلائیڈنگ کی وارننگ
طوفان کے شمال کی جانب بڑھنے کے دوران پیر کے روز بھی چین کے مشرقی علاقوں میں شدید بارش کا سلسلہ جاری رہا۔ حکام نے سیلاب اور لینڈ سلائیڈنگ کے خطرے سے خبردار کیا۔
صوبہ ژے جیانگ کے بعض علاقوں میں آنے والے دنوں میں 250 سے 500 ملی میٹر تک بارش کی پیش گوئی کی گئی ہے۔
حکام کے مطابق طوفان کے باعث تاحال کسی جانی نقصان کی اطلاع نہیں ملی۔تاہم، ژے جیانگ میں سمندر میں بہہ جانے والا ایک نو سالہ بچہ ابھی تک لاپتہ ہے۔
