برطانیہ کی میری ٹائم ٹریڈ آپریشنز (UKMTO) نے بتایا ہے کہ ایک کارگو جہاز پر آبنائے ہرمز میں ایران کے ساحل کے قریب فائرنگ کی گئی ہے جو بدھ کے روز اس نوعیت کا دوسرا حملہ ہے۔

ایجنسی نے کہا کہ باہر جانے والے ایک کارگو جہاز کے کپتان نے اطلاع دی کہ تقریباً ایران کے ساحل سے آٹھ سمندری میل مغرب میں جہاز پر فائرنگ کی گئی۔

بیان میں کہا گیا کہ واقعے کے بعد جہاز اب رک چکا ہے جبکہ  تمام عملہ محفوظ ہے اور جہاز کو کسی  قسم کا نقصان  نہیں پہنچا ۔

ایجنسی نے بدھ کی صبح بھی بتایا تھا کہ اسے عمان کے شمال مشرق میں تقریباً 15 سمندری میل کے فاصلے پر ایک تجارتی جہاز سے متعلق واقعے کی اطلاع موصول ہوئی تھی۔

حکام نے بارہا تجارتی جہازرانی کو احتیاط  برتنے کی ہدایت کی ہے، کیونکہ جنگ بندی مذاکرات اور سفارتی کوششیں جاری رہنے کے دوران سمندری راستوں کی سلامتی پر خدشات بڑھ رہے ہیں۔