روس نے کہا ہے کہ خلاء میں ہتھیاروں کی دوڑ کو روکنے کے لیے فوری طور پر ٹھوس اقدامات اٹھائے جانے چاہئیں۔

روسی وزارت خارجہ کی ترجمان ماریا زاخارووا نے امریکی فضائیہ کے سیکرٹری ٹرائے مینک کے بیان کہ  'ہمیں خلاء  میں  کنٹرول کرنے کے لیے ضروری ہتھیار موجود ہیں' پر  اخباری نمائندوں کو اپنے جائزے پیش کیے۔

زاخارووا نے کہا کہ امریکہ اس معاملے میں تخریبی پالیسی اختیار کیے ہوئے ہے اور اس کے منفی نتائج نکل سکتے ہیں۔

انہوں نے زور دیتے ہوئے کہا کہ "واشنگٹن اپنے تنگ نظر مفادات کے لیے خلاء میں ممکنہ کسی بھی مسلح تنازع کے انسانیت کے لیے تباہ کن نتائج کو بالکل نظر انداز کرنے  پر تُلا ہوا ہے۔ یہ خلائی سرگرمیوں اور ممالک کے خلاء  پر تحقیقات  کے مواقع کے لیے خطرات تشکیل دیتا ہے ، جو کہ کرہ ارض پر متعدد سماجی و اقتصادی مسائل کی راہ ہموار کرے گا۔ خلاء میں ہتھیاروں کی دوڑ کو روکنے کے لیے فوری طور پر ٹھوس اقدامات اٹھائے جانے چاہیے۔"

ترجمان زاخارووا نے خلاء میں ہتھیاروں کی تعیناتی پر پابندی کے بارے میں مذاکرات فوراً شروع کیے جانے کی ضرورت پر  بھی زور دیا۔