روسی صدر ولادیمیر پوتن نے کہا ہے کہ روس اور امریکہ ، 'دو عظیم جوہری طاقتیں ہونے کے ناطے، عالمی سلامتی کے لیے مشترکہ ذمہ داری رکھتے ہیں۔

کریملن کے مطابق ہفتے کو امریکہ کی آزادی کی 250ویں سالگرہ کی مناسبت سے  امریکی صدر ڈونلڈ ٹرمپ کو بھیجے گئے پیغام میں پوتن نے کہا کہ اعلانِ آزادی پر دستخط نہ صرف امریکہ کے قیام کی علامت تھے بلکہ 'عالمی تاریخ میں بھی ایک اہم سنگِ میل' تھے۔

انہوں نے کہا کہ روس نے 'بلا  شرط' شمالی امریکی ریاستوں کی  برطانوی حکمرانی سے آزادی کی جدوجہد میں حمایت کی، اور اس بات کی طرف اشارہ کیا کہ ماسکو اور واشنگٹن دونوں عالمی جنگوں میں اتحادی رہے ہیں۔

انہوں نے کہا کہ 'ہم دونوں دو عالمی جنگوں میں اتحادی تھے، ہم نے مل کر انسانیت کو نازی ازم کے وحشت سے آزاد کروایا، اور پھر جدید عالمی نظام کی بنیاد رکھنے میں اہم کردار ادا کیا۔'

'اور آج، روس اور امریکہ پر  دو سب سے بڑی جوہری  طاقتوں کے ناطے عالمی  سطح پر سلامتی اور استحکام کو یقینی بنانے کی خصوصی ذمہ داری عائد ہوتی ہے۔'

پوتن نے کہا کہ وہ پر اعتماد ہیں کہ ماسکو اور واشنگٹن کے مابین 'تعمیراتی، مساوی اور باہمی مفاد پر مبنی' تعلقات دونوں ممالک اور وسیع بین الاقوامی برادری کے مفاد میں ہوں گے۔