یوکرین پرحالیہ روسی حملوں میں دارالحکومت کیف میں ایک بچے سمیت کم از کم تین افراد ہلاک اور متعدد زخمی ہو گئے ہیں۔

کیف  کے میئر وٹالی کلیچکو نے جمعرات کی صبح ٹیلی گرام سے جاری کردہ بیان میں کہا ہےکہ ہلاک ہونے والوں میں طبی عملے کے چارارکان بھی شامل ہیں۔   مذکورہ افراد   ضلع 'اوبولونسکی' میں ایک ہنگامی کال  پر کاروائی کے دوران  ملبے تلے دب کر زخمی ہوگئے تھے۔

کلیچکو نے کہا ہےکہ چھ افراد کو ہسپتال منتقل کر دیا گیا اور  دیگر کا موقع پر علاج کیا گیا ہے۔

ان حملوں سے رہائشی علاقوں میں بڑے پیمانے پر نقصان ہوا ہے اور  ضلع پوڈلسکی میں بھی  ایک 16 منزلہ عمارت کی چھٹی منزل پر راکٹ کے ٹکڑے گرے ہیں۔ میئر نے مزید کہا ہے کہ شہر بھر میں غیر رہائشی عمارتوں اور گاڑیوں میں آگ لگنے کے باعث امدادی ٹیمیں کاروائی جاری رکھے ہوئے  ہیں۔

دنیپرو پر کئے گئے حملوں میں بھی  ایک شخص ہلاک ہو گیا ہے۔ علاقائی انتظامیہ کے سربراہ اولیگزینڈر گانزا نے ٹیلی گرام سے جاری کردہ بیان میں کہا ہے کہ  "دنیپرو پر روسی حملے میں ایک شخص ہلاک ہو گیا ہے۔"

دو طرفہ  الزامات

دوسری جانب  روس نے یوکرین کو  ملک کے جنوبی علاقے کراسنوڈار کرائی میں ہونے والے ایک حملے میں دو بچوں کی ہلاکت کا ذمہ دار ٹھہرایا  ہے۔

گورنر وینیمن کونڈراٹیو نے ٹیلی گرام سے کہا ہے کہ"تواپسےمیں رہائشی عمارتوں پر ڈرون کے ساتھ کئے گئے دہشت گرد انہ حملے میں پانچ اور 14 سالہ دو بچے ہلاک  ہو گئے ہیں"۔

گزشتہ اختتامِ ہفتہ کے دوران، دونوں فریقین نے ایک دوسرے پر 32 گھنٹے کی ایسٹر جنگ بندی کی خلاف ورزی کا الزام بھی لگایا ہے۔