مستقبل کے ممکنہ وبائی امراض سے نمٹنے کے لیے بین الاقوامی معاہدے کے اہم، زیر التواء جزو کو مکمل کرنے کے لیے مذاکرات کا ایک اضافی ہفتہ پیر کو عالمی ادارۂ صحت میں شروع ہو رہا ہے، تو شدید اختلافات معاہدے میں رکاوٹ بنے ہوئے ہیں۔

امیر اور ترقی پذیر ممالک عالمی ادارۂ صحت کی بات چیت میں اس بات پر متصادم ہیں کہ گزشتہ سال منظور ہونے والا وبائی معاہدہ عملی طور پر کیسے نافذ ہوگا۔

یہ معاہدہ  'پیتھوجن رسائی اور فوائد کی تقسیم' (PABS) نظام انہی جراثیم تک رسائی کے اشتراک اور ان سے حاصل ہونے والے فوائد — ویکسینز، ٹیسٹ اور علاج — کے اشتراک سے متعلق ہے۔

عالمی ادارہ صحت کی چیف سائنسدان سِلوی بریان نے کہا، 'ترقی پذیر ممالک اپنا عدم اعتماد ظاہر کر رہے ہیں اور خدشہ رکھتے ہیں کہ بحران کی صورت میں انہیں ویکسین تک منصفانہ رسائی کی ضمانت کے بغیر مقامی وائرس کے بارے میں  آگاہی کرنی پڑے گی۔'

دوسرے ممالک یہ بھی سوال اٹھا رہے ہیں کہ'سرمایہ کاری پر منافع کی ضمانت' موجود نہ ہونے کی صورت میں آیا کہ  دوا سازی کی صنعت کے پاس عالمی وبائی معاہدے میں تعاون کی صلاحیت اور محرک موجود ہوگا یا  نہیں۔

اُن کے بقول ایک اور چیلنج یہ ہے کہ 'جینیاتی ڈیٹا کے اشتراک کو مربوط کیا جائے، جو اب ویکسینز، علاج اور تشخیصی آلات تیار کرنے کے لیے جسمانی وائرسوں کے اشتراک کے لیے  اتنا ہی اہم ہے۔'

بہت کٹھن

مئی 2025 میں، عالمی ادارہ صحت کے رکن ممالک نے مستقبل کے صحت کے بحرانوں سے نمٹنے کے لیے ایک تاریخی وبائی معاہدہ منظور کیا، جو کووِڈ-19 کی وبا کے بعد تین سال سے زائد مذاکرات کے بعد سامنے آیا تھا۔

یہ معاہدہ مستقبل میں وبائی امراض کے دوران کورونا بحران کے دوران دکھائی دینے والے غیر مربوط ردعمل اور بین الاقوامی بے ترتیبی کو دور کرنے کے لیے عالمی رابطہ کاری، نگرانی اور ویکسین تک رسائی کو بہتر بنانے کا ہدف رکھتا ہے۔

اس امید کے ساتھ کہ اسے عالمی ادارۂ صحت کے ارکان کی عالمی صحت اسمبلی  جو کہ 8 مئی سے شروع ہو رہی ہے کے  دوران منظوری کے لیے  پیش کیا جائیگا، ممالک کو PABS پر مذاکرات کے لیے آخری ایک ہفتے کی مہلت دی گئی ہے۔

جینیوا میں برازیل مشن کے سفارت کار ژاں کاریڈاکس نے کہا کہ اختلافات 'غیرمعمولی' نہ  ہونے کے باوجود کوئی معاہدہ ممکن ہے۔

انہوں نے کہا، حالانکہ یورپی یونین اب 'کچھ لچک دکھانے کی کوشش' کر رہی ہے۔ 'پیش رفت سست رہی ہے' اور سمجھوتہ کرنا 'بہت مشکل' ہوگا۔

ترقی پذیر ریاستیں، خاص طور پر افریقہ میں، PABS کو انتہائی اہم سمجھتی ہیں، جہاں بہت سے ممالک کووِڈ-19 ویکسین  کے حصول کی دوڑ  میں تنہا پڑے ہوئے محسوس کرتے رہے۔

تاہم ان کے موقف کے درمیان باریکیاں موجود ہیں۔ جنوبی افریقہ جیسے کچھ ابھرتے ہوئے معیشتیں ٹیکنالوجی ٹرانسفر چاہتی ہیں، جبکہ سب سے غریب ممالک بنیادی طور پر صحت  سے متعلقہ سازو سامان  تک رسائی پر توجہ مرکوز کر رہے ہیں۔

پاکستان  مشن کے نمائندے عدیل ممتاز کھوکھر نے کہا کہ مذاکرات 'کافی چیلنجنگ' رہے مگر 'ہم پرامید ہیں'۔

اُنھوں نے کہا، 'لائسنسنگ، ٹیکنالوجی ٹرانسفر اور آپ کے نظامِ صحت کے نظام کی وسیع پیمانے پر صلاحیت سازی ،  یہ ایک بڑا متنازعہ نکتہ باقی ہے۔'

گمنام رسائی؟

معاہدہ پہلے ہی کہتا ہے کہ شریک دوا ساز کمپنیوں کو اپنی ویکسینز، ٹیسٹس اور علاج کی حقیقی وقت کی پیداوار کا 20 فیصد عالمی ادارۂ صحت کو دوبارہ تقسیم کے لیے دستیاب کرانا چاہیے، جس میں کم از کم آدھا بطور عطیہ اور باقی 'قابلِ استطاعت قیمتوں' پر ہو۔

تاہم تفصیلات کو PABS کے ضمیمے میں متعین کرنا باقی ہے، اسی طرح وباؤں کے علاوہ صحت کے ڈیٹا اور آلات تک رسائی کی شرائط بھی۔

غیر سرکاری تنظیمیں اور ترقی پذیر ممالک لیبارٹریوں کے لیے لازمی قواعد نافذ کرنا چاہتے ہیں تاکہ غریب ممالک کو ویکسینز مل سکیں۔

'ڈاکٹرز وِد آؤٹ بارڈرز'کی اولینا زاریتسکا نے کہا، 'ایبولا کے دوران، افریقی مریضوں کے نمونوں کی بنیاد پر ایسے علاج تیار کیے گئے جن کے ساتھ ایسی پابندیاں منسلک نہیں تھیں۔'

اُن کے بقول نتیجہ یہ ہوا کہ افریقہ میں فراہمی محدود رہی اور امریکہ میں ذخائر جمع ہوئے،  جس کے باعث صدر ڈونلڈ ٹرمپ کے دور میں عالمی ادارہ صحت سے علیحدگی اختیار کی گئی تھی۔

ترقی پذیر ممالک یہ بھی چاہتے ہیں کہ PABS ڈیٹا بیس کے لیے صارفین کی رجسٹریشن اور ٹریکنگ سسٹم ہو، جبکہ ترقی یافتہ ممالک — 'خاص طور پر جرمنی، ناروے اور سوئٹزرلینڈ' — گمنام رسائی برقرار رکھنے کے حامی ہیں۔

100 غیر سرکاری تنظیموں نے، جن میں آکسفیم بھی شامل ہے، عالمی ادارۂ صحت کو مشترکہ خط میں کہا کہ گمنام رسائی یہ 'ناممکن' بنا دے گی کہ معلوم کیا جا سکے کون پیتھوجن کی معلومات استعمال کر رہا ہے، کس مقصد کے لیے اور کیا وہ حاصل شدہ فوائد کا اشتراک کر رہا ہے۔

خط میں کہا گیا ہے کہ 'عملی طور پر اس کا مطلب یہ ہے کہ ترقی پذیر ممالک میں موجود جینیاتی وسائل تک رسائی حاصل کی جا سکتی ہے، انہیں تجارتی بنایا جا سکتا ہے اور بے پروائی کے ساتھ  اس کا استحصال کیا جا سکتا ہے۔''