ایوانِ صدر کی سرپرستی، وزارت ثقافت و سیاحت اور وزارت نوجوانان اور کھیل کے تعاون اور استنبول آف شور یاٹ ریسنگ کلب کے زیر اہتمام ریس میں 14 ممالک کے 500 ایتھلیٹس چناق قلعے کی جانب روانہ ہو ئے۔

مصطفی کمال اتاترک اور ان کے ساتھیوں کی یاد میں دولماباہچے پیلس میں احترامً خاموشی اختیار کرنے کے ساتھ شروع ہونے والی اور 3 گھنٹے سے زیادہ جاری رہنے والی ریس میں کھلاڑیوں نے سخت جدوجہد کا مظاہرہ کیا، جہاں تیز ہوا اور سمندری بہاو کے خلاف حکمت عملی فیصلہ کن تھی، استنبول کے مکین 23 اپریل کے جشن کے موقع پر اس پر ہیجان مقابلے سے بھی محظوظ ہوئے۔

انہوں نے بتایا کہ “قومی خودمختاری کپ کے لیے مقابلہ کرنے والی ٹیموں نے باسفورس کے حصے کو مکمل کرنے کے بعد چناق قلعے کی راہ لی۔ استنبول آف شور یاٹ ریسنگ کلب کے صدر اکرم یملی ہا اولو نے اس بات پر زور دیا کہ ریس کے ہر مرحلے کا اپنا منفرد جذبہ اور کہانی ہے۔ “

"ہم اپنے بچوں کے 23 اپریل کو قومی خودمختاری اور یومِ اطفال کو منا رہے ہیں۔ ساتویں صدارتی بین الاقوامی یاٹ ریس صرف کھیلوں کے مقابلے ہی نہیں بلکہ دنیا کے سامنے ترکیہ کی بحری طاقت کا مظاہرہ کرنے والی ایک باوقار نمائش بھی ہے۔ ہمارا مقصد ان خاص دنوں کے جذبے کو یکجا کرنا ہے، اور اس جذبے کو سمندروں میں ترک پرچم کو لہراتے ہوئے پیشہ ورانہ انداز میں آنے والی نسلوں تک پہنچانا ہے۔"

ماضی کے احترام میں ریس

فتح  چناق قلعے کی 111ویں سالگرہ کی یاد میں منعقدہ ماضی کے احترام میں ریس کے دوران کھلاڑی چناق قلعے کی تیز ہواوں کے مد مقابل اپنے جوہر دکھائیں گے۔

چناق قلعے سب سے پہلے پہنچنے والی ٹیم کوسٹ گارڈ کپ کی فاتح ہوگی۔

کھلاڑی 25 اپریل کوآبنائے چناق قلعے میں اپنی دوڑ جاری رکھیں گے۔ تین دن کے چیلنجنگ مقابلے کے بعد اول نمبر پر رہنےو الی والی ٹیم کپ اپنے نام کرے گی۔

ریس کا دوسرا مرحلہ 19 مئی، تیسرا مرحلہ 30 اگست اور آخری مرحلہ ریپبلک کپ 29 اکتوبر کو آبنائے استنبول میں منعقد ہوگا۔