جنوبی کوریا کی ایک عدالت نے معزول صدر یون سک-یول کی انتظامیہ کے دوران مارشل لا نافذ کرنے کی ناکام کوشش کے جرم میں سابق وزیراعظم ہان ڈک-سو کو 23 سال قید کی سزا سنائی ہے۔

یانہاپ نیوز کے مطابق، سول سینٹرل ڈسٹرکٹ کورٹ نے یہ سزا سنائی اور یہ پہلا فیصلہ ہے جس نے 3 دسمبر 2024 کے مارشل لا اعلان کو بغاوت قرار دیا ہے ۔

76 سالہ ہان ڈک سو یون کے  دور میں جنوبی کوریا کے وزیراعظم رہے، جنہیں پچھلے سال مارشل لا نافذ کرنے کی کوشش کے باعث عہدے سے ہٹایا گیا تھا۔

یہ فیصلہ اس بات کی پہلی بار تصدیق کرتا ہے کہ مارشل لا کی کوشش کے سلسلے میں یون کی کابینہ کے کسی رکن کو سزا سنائی گئی ہے۔

گزشتہ ہفتے یون کو بھی  حراست میں لینے کی تفتیشی کوششوں میں رکاوٹ ڈالنے کے الزامات پر پانچ سال قید کی سزا سنائی گئی تھی۔

مارشل لا کیس کی تفتیش کرنے والے ایک خصوصی  استغاثہ نے بغاوت کے الزامات کے تحت یون کے لیے سزائے  موت کا مطالبہ کیا ہے۔

 اس  مقدمے  پر عدالتی فیصلہ 19 فروری کو متوقع ہے۔