صدر رجب طیب ایردوان نے ہفتے کے روز 21 مارچ  نوروز  کی  تقریب کے لیے ایک ویڈیو پیغام بھیجا اور اس امید کا اظہار کیا کہ یہ موقع خطے میں تنازعات کے خاتمے میں مددگار ثابت ہوگا۔

اپنے پیغام میں، جو ترکی کے جنوب مشرقی صوبہ غازی انتپ کے کامل اوجاک اسپورٹس ہال میں منعقدہ تقریب کے لیے بھیجا گیا تھا، ایردوان نے ترک برادری اور ثقافتی خطے میں نوروز منانے والوں کو مبارکباد پیش کی۔

انہوں نے کہا کہ نوروز موسمِ بہار کی نوید اور فطرت کی تجدید کی علامت ہے اوراس تمنا کا اظہار کیا کہ یہ ترکیہ، وسیع تر خطے اور تمام انسانیت کے لیے امن، خوشحالی اور فلاح لائے۔

انہوں نے کہا کہ انہیں خوشی ہے کہ نوروز نہ صرف ترکیہ کے لیے بلکہ اس کے ہمسایوں کے لیے بھی نئے آغاز کی علامت ہے۔

ہم 81 صوبوں میں اور ترک برادری  بھر میں ایک ہی جذبے کے ساتھ نوروز کی آگ کے گرد جمع ہوتے ہیں، انہوں  نےمزید کہا کہ نوروز کو اس اتحاد کے احساس کو مضبوط کرنے کے لیے ایک مشترکہ دن کے طور پر قائم کیا گیا ہے۔

انہوں نے یہ بھی بتایا کہ ترکیہ 2026 میں عائلی کونسل کے 13ویں سربراہی اجلاس کی میزبانی کرے گا، جس کا مقصد اسی رفتار کو مزید تقویت دینا ہے۔

ترک صدر نے آذربائیجان سے لے کر قازقستان تک، کرغزستان سے ازبکستان تک، ترکمانستان سے شمالی قبرصی ترک جمہوریہ اور ہنگری تک تمام دوستوں اور بھائیوں کو  تہنیتی پیغام دیا۔

انہوں نے کہا  کہ میں اپنے شامی، عراقی اور ایرانی بھائیوں کو بھی، جو اس وقت جنگ کے باعث پیدا ہونے والے مسائل سے نبردآزما ہیں، نوروز کی مبارکباد پیش کرتا ہوں اور امید کرتا ہوں کہ یہ بامعنی دن ہمارے خطے میں جاری جنگوں کے خاتمے میں معاون ثابت ہوگا ۔

ترک صدر نے اس تمنا کا اظہار کیا  نوروز کے ساتھ شروع ہونے والا  موسم بہار ہمارے دلوں میں امید، ہماری معاشروں میں  اور دنیا بھر  میں امن و امان کا وسیلہ ثابت ہو۔