نیوزی لینڈ کے خلاف 3-1 سے فتح حاصل کر کے مصر نے ورلڈ کپ کی تاریخ میں اپنی پہلی جیت درج کر لی  ہے ۔

کینیڈا کے شہر وینکوور میں کھیلے گئے گروپ جی  کے اس مقابلے میں اگرچہ نیوزی لینڈ نے 15ویں منٹ میں فن سرمین (Finn Surman) کے گول کے ذریعے برتری حاصل کر لی تھی، لیکن مصر نے محمد صلاح، مصطفیٰ زیکو اور ٹریزیگئی  کے گولوں کی بدولت میچ کو فتح کے ساتھ ختم کیا۔

صلاح کا 67ویں منٹ میں کیا گیا گول ان کے انٹرنیشنل کیریئر کا 68واں گول تھا۔

 فضا میں مکا لہرا کر اپنے گول کا جشن منانے والے مصری فٹ بالر کے ساتھی کھلاڑیوں نے بھی صلاح کو گھیر لیا اور اس خوشی میں شریک ہوئے۔

صلاح کے اس گول نے وینکوور کے بی سی پلیس اسٹیڈیم  کے کھچا کھچ بھرے اسٹینڈز میں موجود مصری مداحوں کو بھی جشن منانے پر مجبور کر دیا۔

جب 85ویں منٹ میں صلاح کو گراؤنڈ سے باہر بلایا گیا، تو تماشائیوں نے کھڑے ہو کر تالیاں بجا کر انہیں الوداع کہا۔

مصر اس جیت کے ساتھ گروپ جی میں پہلی پوزیشن پر پہنچ گیا ہے لیکن اس نے ابھی تک اگلے مرحلے کے لیے کوالیفائی کرنے کی حتمی ضمانت حاصل نہیں کی ہے۔

جمعہ کے روز سیاٹیل میں ایران کے خلاف ایک فیصلہ کن میچ کھیلنے والے مصر کو اگلے مرحلے میں پہنچنے کے لیے کم از کم ایک برابری کی ضرورت ہوگی۔