سعودی عرب میں ہیلی کاپٹر حادثے میں 14 افراد ہلاک ہو گئے ہیں۔
سعودی عرب وزارتِ توانائی کے جاری کردہ بیان کے مطابق ملک کے مشرقی علاقے رأس تنورہ میں گرنے والے ہیلی کاپٹر میں سوار کم از کم 14 افراد ہلاک ہو گئے ہیں۔
سعودی عرب کی سرکاری خبر ایجنسی ایس پی اے کے مطابق، تیل کی معروف کمپنی آرامکو کا ہیلی کاپٹر اتوار کے روز آبنائے ہرمز کے مغرب میں، سعودی عرب کے مشرقی ساحلی شہر رأس تنورہ میں گر کر تباہ ہو گیا ہے۔
'ایس پی اے'کے مطابق حادثے کی وجوہات جاننے کے لیے متعلقہ اداروں کی شمولیت سے تحقیقات شروع کر دی گئی ہیں، جبکہ حادثے کی اصل وجہ تاحال معلوم نہیں ہو سکی۔
آرامکو نے تقریباً چار ماہ کے تعطل کے بعد جمعہ کے روز رأس تنورہ ٹرمینل پر خام تیل کی لوڈنگ کی کاروائیاں دوبارہ شروع کی تھیں۔
سعودی عرب کے مشرقی خلیجی ساحل پر واقع رأس تنورہ ملک کے تیل صاف کرنے اور برآمدات کرنے کے اہم ترین مراکز میں شمار ہوتا ہے۔
واضح رہے کہ دنیا کے سب سے بڑے تیل برآمد کنندگان میں شامل سعودی عرب بھی، امریکہ اور ایران کے درمیان جنگ بندی کے عارضی معاہدے سے قبل خطے کے ممالک کی جانب سے تیل اور قدرتی گیس کی پیداوار اور برآمدات میں اضافے کے نتیجے میں، تیز ہونے والی ترسیلی سرگرمیوں میں شامل ہے۔
