کم از کم 160 معروف آئرش کھلاڑیوں نے ایک کھلے خط پر دستخط کرتے ہوئے جمہوریہ آئرلینڈ کی قومی فٹبال ٹیم سے مطالبہ کیا ہے وہ  اسرائیل کے خلاف اپنے آئندہ کے میچ  کابائیکاٹ کرے۔

جسے آئرش اسپورٹ فار پیلسٹائن گروپ نے X پر لکھا ہے کہ "آپ کے پاس صحیح کام کرنے کا ایک موقع ہے۔"

خط میں کہا گیا کہ کھلاڑیوں کو یہ سکھایا جاتا ہے کہ تمام کھلاڑیوں کے ساتھ یکساں سلوک ہونا چاہیے۔ لیکن ایسی عالمی اقدار کھیل کی اس حقیقت کے ساتھ ہم آہنگ نہیں ہوتیں جہاں جابرانہ اور امتیازی ڈھانچے بار بار از سرِ نو وجود میں آتے ہیں۔

اس میں کہا گیا کہ "یہ سب سے زیادہ فلسطین میں واضح ہے، جہاں اسرائیلی قبضے کی وجہ سے انصاف اور مساوات سے انکار کیا جاتا ہے۔"

دستخط کنندگان میں موجودہ اور سابق رگبی کھلاڑی، گیلیک فٹ بال کھلاڑی، باکسرز، باسکٹ بال کھلاڑی اور کئی دیگر کھیلوں کے پس منظر سے تعلق رکھنے والے کھلاڑی شامل ہیں۔

جولائی میں، آئرش فٹبال ایسوسی ایشن کی جنرل اسمبلی نے اسرائیل کے خلاف یو ای ایف اے نیشنز لیگ میچز کے بائیکاٹ کی تجویز کے خلاف ووٹ دیا تھا۔