حکام  کا کہنا ہے کہ وسیع پیمانے پر   روسی میزائل اور ڈرون حملوں نے یوکرین بھر میں نو افراد کو ہلاک اور درجنوں کو زخمی کر دیا، یہ واقعات ایسے وقت میں پیش آئے جب سے چند روز قبل صدر وولودیمیر زیلنسکی نے خبردار کیا تھا کہ ماسکو "ایک بڑے نئے حملے" کی تیاری کر رہا ہے۔

ماسکو نے 2022 میں حملہ شروع کرنے کے بعد تقریباً روزانہ یوکرین پر بمباری کی ہے، جو اکثر کیف کی طرف سے جوابی کارروائی کو بھڑکاتی رہی ہے، جبکہ یورپ کے دوسرے جنگِ عظیم کے بعد کے سب سے مہلک تنازعے کو ختم کرنے کے مذاکرات تا حال معطل ہیں۔

صحافیوں نے یوکرینی دارالحکومت میں متعدد دھماکوں کی آوازیں سنی، جہاں مقامی حکام نے کہا کہ روس نے بالیسٹک میزائلوں سے حملہ کیا، جس سے کئی علاقوں میں آگ لگ گئی اور بجلی منقطع ہو گئی۔

شہر کے میئر ویٹالی کلیچکو نے کہا کہ 'دشمن کے وسیع پیمانے پر حملوں' میں چار افراد ہلاک اور کم از کم 58 زخمی ہوئے، جن میں دو بچے بھی شامل ہیں۔

کلیچکو نے پہلے خبردار کرتے ہوئے کہا تھا، "شہر میں فضائی دفاعی دستے کارروائیاں  کر رہے ہیں! پناہ گاہوں میں رہیں!"

اے ایف پی کے صحافیوں نے اس بات کا  مشاہدہ کیا کہ جب کیف کے مرکزی علاقے سے گھنا دھواں اٹھ رہا تھا تو  رہائشی بیگز اور کمبل تھامے پناہ گاہوں کی طرف دوڑ رہے تھے ۔

کیف شہر جنگی انتظامیہ کے سربراہ تیمور تکاچنکو نے کہا، "دشمن بالیسٹک میزائلوں سے حملہ کر رہا ہے۔"

دیگر مقامات سے بھی  میزائل اور ڈراون حملوں کی اطلاعات ہیں ۔

دنیپرو شہرکے گورنر اولیکسانڈر گنژا نے کہا کہ ایک روسی حملے میں پانچ افراد ہلاک اور 25 زخمی ہوئے، جن میں سے تین کی حالت نازک ہے۔

شہر خارکیف کے میئر ایگور تیرکھوف کے مطابق، وہاں دس افراد، جن میں ایک بچہ بھی شامل ہے، زخمی ہوئے۔

حملے کے دوران پولینڈ کی فضائیہ نے X پر کہا کہ اس نے پولینڈ کی فضائی حدود کے دفاع کے لیے طیارے متحرک کر دیے ہیں۔

یوکرینی فضائیہ نے میزائل خطرات کے بارے میں وارننگ جاری کیں، جبکہ کیف میں حکام نے یوکرینی فضائی حدود میں ڈرونز کی موجودگی کی وارننگ دی۔

'اپنی جانیں بچائیں'

ادھر، علاقائی گورنر الیگزینڈر خنشتین نے کہا کہ یوکرین کی سرحد کے جوار میں واقع روس کے کورسک علاقے میں ایک یوکرینی ڈرون حملے   میں  ایک شخص  ہلاک  ہو گیا ہے۔

ایک اور ڈرون نے جنوب مغربی شہر کراسنودار میں ایک تیل صاف کرنے کی فیکٹری میں آگ لگا دی، اس کے آپریشنل ہیڈکوارٹرز نے ٹیلیگرام پر کہا۔

یوکرین پر  یہ  حملے ایسے وقت میں ہوئے جب زیلنسکی نے جمعہ کو کہا تھا، "ہماری خفیہ معلومات کے مطابق  روس ایک نئے بڑے حملے کی تیاری کر رہا ہے" اور لوگوں سے اپیل کی تھی کہ "اپنی جانیں بچائیں"۔

انہوں نے کہا، "براہِ کرم ہوائی خبردار رہیں اور اپنی جانیں بچائیں۔ ہماری سروسز مؤثر طریقے سے کام کر رہی ہیں اور تیار ہیں؛ فضائیہ اور ہمارے آسمانوں کے دیگر محافظ ہمیشہ کی طرح چوبیس گھنٹے ڈیوٹی پر رہیں گے۔"

یوکرینی صدر نے اپنے اتحادیوں سے پیٹریاٹ میزائل (Patriot) فراہم کرنے اور ان کی مالی معاونت کرنے کی اپیل دہرائی ہے، جو روسی بالیسٹک میزائلوں کو روک سکتے ہیں۔

انہوں نے پچھلے ہفتے امریکی صدر ڈونلڈ ٹرمپ اور امریکی کانگریس کو لکھا، پیٹریاٹ سسٹمز کی درخواست کرتے ہوئے تاکہ وہ شدت اختیار کرنے والے روسی فضائی حملوں کا جواب دے سکیں۔

یوکرین نے بھی   ہر روز ہونے والی  روسی بمباری کے جواب میں مقبوضہ علاقوں اور روس پر اپنے حملے تیز کر دیے ہیں۔