روس وزارت دفاع  نے کہا ہے کہ روسی فوج نے رات بھر یوکرین کے لاجسٹکس مراکز، بندرگاہوں کے بنیادی ڈھانچے اور یوکرینی فوج کے مفادات کے لیے استعمال ہونے والے بحری جہازوں پر ڈرون حملے جاری رکھے ہیں۔

بیان کے مطابق، حملوں میں خارکیف شہر میں واقع ’’ایپی سینٹر‘‘لاجسٹک مرکز کو نشانہ بنایا گیا، جہاں یوکرینی فوج کی ضروریات کے لیے دوہرے استعمال کی اشیا ذخیرہ کی جاتی تھیں۔ اس کے علاوہ ایک ایسے تقسیمی مرکز پر بھی حملہ کیا گیا جہاں فوجی سامان ذخیرہ کرنے کے ساتھ ساتھ اس کی ترسیل بھی کی جاتی تھی۔

بیان میں مزید کہا گیا ہے کہ اسی شہر میں واقع ’’واسیشچےوو‘‘لاجسٹک ٹرمینل کو بھی نشانہ بنایا گیا، جسے فوجی سازوسامان ذخیرہ کرنے کے لیے استعمال کیا جاتا تھا۔

بیان میں کہا گیا ہے کہ ’’بحیرہ اسود کی بندرگاہ چورنومورسک کی جانب یوکرینی فوج کی ضروریات کے لیے سامان لے جانے والے ایک خشک مال بردار بحری جہاز کو بھی سمندر میں دورانِ سفر نشانہ بنایا گیا ہے۔‘‘

وزارت کے ایک اور بیان میں کہا گیا ہے کہ روسی فضائی دفاعی نظاموں نے رات بھر ماسکو اور پرم سمیت اس کے نواحی علاقوں سمیت مختلف خطوں میں یوکرین کے 532 ڈرونوں کو مار گرایا ہے۔