ترکیہ محکمہ شماریات ادارے کے 'مقامی  معلوماتی ٹیکنالوجی کا استعمال 2026'  سروے کے نتائج جاری کر دیے گئے ہیں۔

سروے کے مطابق، رواں سال  ملک میں 16تا 74  برس کے شہریوں میں انٹرنیٹ کے استعمال کی شرح 92.3 فیصد رہی۔ یہ شرح گزشتہ سال 90.9 فیصد  تک تھی۔ اسی عمر کے گروپ میں مردوں میں انٹرنیٹ استعمال کی شرح 94.8 فیصد اور خواتین میں 89.9 فیصد ریکارڈ کی گئی۔

انٹرنیٹ کے ذریعے سرکاری خدمات سے مستفید ہونے والوں کی شرح 76 فیصد رہی

گزشتہ ایک سال کے دوران خاص مقاصد کے لیے سرکاری اداروں کی ویب سائٹس اور ایپلیکیشنز استعمال کرنے اور انٹرنیٹ کے ذریعے سرکاری خدمات حاصل کرنے والوں کی شرح 76 فیصد  رہی۔   جس کا  82.7 فیصد مرد جبکہ 69.4  فیصد خواتین تھیں۔

ای۔ اسٹیٹ   سروس  استعمال کرنے والے افراد کے تناسب کا عمر کے لحاظ سے  جائزہ لینے سے سب سے زیادہ تناسب  25تا34 سال کے گروپ میں 93 فیصد اور سب سے کم 65تا74 سال کے گروپ میں 31.3 فیصد رہا۔

2025میں انٹرنیٹ کے ذریعے ذاتی مقاصد کے لیے اشیاء یا سروس کی  شرح خرید  55.7 فیصد تھی، جو امسال 60 فیصد ہوگئی ہے۔

انٹرنیٹ کے ذریعے گذشتہ 3 ماہ میں تعلیمی، پیشہ ورانہ یا ذاتی مقاصد کے لیے سیکھنے کی سرگرمی سے استفادہ کرنے  والوں کی شرح گزشتہ سال کے مقابلے میں 5.2 پوائنٹس بڑھ کر 22.9 فیصد ہو گئی۔

عوام کے 90 فیصد نے واٹس ایپ استعمال کیا

سب سے زیادہ استعمال ہونے والی سماجی رابطے اور میسجنگ ایپس میں واٹس ایپ 90 فیصد، یوٹیوب 77.6 فیصد اور انسٹاگرام 71.1 فیصد رہے۔ مردوں میں واٹس ایپ 92.5 فیصد، یوٹیوب 80.1 فیصد اور انسٹاگرام 71.9 فیصد تک  استعمال کیے گئے، جبکہ خواتین میں واٹس ایپ 87.6 فیصد، یوٹیوب 75 فیصد اور انسٹاگرام 70.2 فیصد تک  ریکارڈ کیا گیا۔