جنوبی فلپائن میں امدادی کارکنوں نے ایک منہدم سپر مارکیٹ کے ملبے سے ایک لاش نکالی ہے ۔ اس کے ساتھ ہی شدید زلزلے کے باعث ہلاک ہونے والوں کی تعداد 46 ہو گئی ہے۔

پیر کے روز منڈاناؤ کے ساحل کے قریب آنے والے 7.8 شدت کے اس زلزلے نے عمارتوں کو گرا دیا، مٹی کے تودے گرے اور جزیرے پر سونامی کی وارننگ جاری کر دی گئی۔

39 سالہ جوئے ڈیلی ویو جنرل سانتوس  کی ایک سپر مارکیٹ کے اُن دو ملازمین میں سے ایک تھے جنہیں ملبے سے نکالنے کی کوششیں کی جا رہی تھیں۔

قومی قدرتی آفت کے ادارے نے بدھ کو ہلاکتوں کی تعداد بڑھا کر 45 کر دی تھی، جبکہ لاپتہ افراد کی تعداد اچانک 4 سے بڑھ کر 17 ہو گئی تاہم، سول ڈیفنس کے دفتر نے تصدیق کی کہ اس تعداد میں ڈیلی ویو کی لاش شامل نہیں تھی۔

سول ڈیفنس کے اہلکار رافیلیتو الی خاندرو نے ایک ریڈیو انٹرویو میں بتایا کہ زیادہ تر نئی ہلاکتیں داواؤ اوسیڈنٹل صوبے میں ہوئیں جہاں لوگ مٹی کے تودے گرنے یا عمارتیں منہدم ہونے کی وجہ سے ہلاک ہوئے۔