ترکیہ کی قومی انٹیلی جنس تنظیم  نے سرحد پار ایک اور کامیاب ٹارگٹڈ آپریشن کیا ہے۔

ہتائے  کے ضلع ریحانلی میں 2013 میں ہونے والے دہشت گردانہ حملے، جس میں 53 شہری جاں بحق ہوئے تھے، اس  کے اہم ملزمان میں سے ایک عمر الخطیب کو ایجنسی  نے اس وقت گرفتار کر کے ترکیہ منتقل کر دیا جب وہ سمندری راستے سے یورپ فرار ہونے کی کوشش کر رہا تھا۔

سرخ وارنٹ  کے تحت مطلوب اور شام میں اسد حکومت کے عسکری انٹیلی جنس یونٹس کے ساتھ براہ راست رابطے میں رہنے والے عمر الخطیب کے بارے میں یہ بات سامنے آئی ہے کہ اس نے ریحانلی حملے کی منصوبہ بندی، جاسوسی کی سرگرمیوں اور بم کی فراہمی میں کلیدی کردار ادا کیا تھا۔

حملے کے بعد اسد حکومت کی جانب سے نقد انعام پانے والا یہ دہشت گرد طویل عرصے سے ایجنسی  کی کڑی نگرانی میں تھا۔

اس حملے کے دیگر ملزمان میں سے یوسف نازک کو 2018، چنگیز سیرتيل کو 2024، جبکہ محمد دیب کورالی اور تیمور دوکانجی کو 2025 میں کیے گئے آپریشنز کے دوران گرفتار کیا گیا تھا۔

ریحانلی حملے کا حکم دینے والے میجر جنرل کفاح ملحم کو فروری 2024 میں بشار الاسد کی جانب سے نیشنل سیکیورٹی بیورو کا سربراہ مقرر کیا گیا تھا۔

معلوم ہوا ہے کہ کفاح ملحم اسد حکومت کے خاتمے کے بعد بیرون ملک فرار ہو چکا ہے۔