ایک اعلیٰ سطحی سفارت کار کے مطابق، بنگلہ دیش نے ترکیہ، سعودی عرب اور پاکستان کے درمیان طے پانے والے مکہ مشترکہ دفاعی معاہدےمیں شامل ہونے کی خواہش کا اظہار کیا ہے۔

گزشتہ ہفتے وزیر مملکت برائے خارجہ امور مقرر ہونے والے ہمایوں کبیر نے کہا کہ ہم نے مکہ دفاعی معاہدے میں اپنی دلچسپی کا اظہار کیا ہے  کیونکہ  بنگلہ دیش اب ایک تسلیم شدہ ملک ہے۔

 مغربی ایشیا کے شراکت دار اور دنیا بھر کے مسلم ممالک اب بنگلہ دیشی قیادت، بالخصوص وزیر اعظم طارق رحمان کی قیادت کو کئی مقامات پر اپنے ساتھ رہنے کی دعوت دے رہے ہیں۔

 ہمایوں کبیر، جو اس سے قبل رحمان کے مشیر کے طور پر بھی خدمات انجام دے چکے ہیں انہوں  نے مزید کہا کہ اگر مغربی ایشیا میں ایسا کوئی معاہدہ موجود ہے، اسلامی ممالک کے درمیان کوئی سیکیورٹی معاہدہ ہے تو وہاں جانا کوئی عجیب بات نہیں ہوگی۔

ترکیہ، سعودی عرب اور پاکستان نے 7 اگست کو مکہ میں منعقدہ ایک سہ فریقی سربراہی اجلاس میں مشترکہ دفاعی معاہدے پر دستخط کیے تھے، جس کا مقصد اجتماعی سیکیورٹی کو مضبوط بنانا، دفاعی تعاون کو گہرا کرنا اور خطے اور اس سے باہر امن و استحکام کو فروغ دینا ہے۔

مکہ مشترکہ دفاعی معاہدے پر الصفاء محل میں منعقدہ سربراہی اجلاس کے دوران ترکیہ کے صدر رجب طیب ایردوان ، سعودی ولی عہد شہزادہ محمد بن سلمان اور پاکستان کے وزیر اعظم شہباز شریف نے دستخط کیے تھے۔