امریکی صدر ڈونلڈ ٹرمپ نے ایران کے خلاف جاری جنگ میں امریکہ کی کامیابی کا دعویٰ کرتے ہوئے یہ تجویز پیش کی ہے کہ آبنائے ہرمز کا نام بدل کر " آبنائےٹرمپ "  رکھ دیا جانا چاہیے۔

ٹرمپ نے یہ دعویٰ بھی کیا کہ اگر واشنگٹن فتح حاصل کر لیتا ہے تو تیل کی قیمتوں میں تیزی سے کمی آئے گی۔

امریکی صدر نے آنے والے انتخابات کے حوالے سے نظریاتی الفاظ کا استعمال کرتے ہوئے اپنے حامیوں کو خبردار کیا کہ اگر ان کے سیاسی حریف جیت گئے تو ملک کو کمیونزم کے آگے گھٹنے ٹیکنے کا خطرہ لاحق ہو جائے گا۔

اس کے علاوہ، ٹرمپ نے وعدہ کیا کہ اگر نومبر میں ریپبلکنز نے امریکی کانگریس کا کنٹرول برقرار رکھا، تو ہر بالغ امریکی کو 5,000 ڈالر کی ادائیگی کی جائے گی۔

اس رقم کو "ٹرمپ ڈیویڈنڈ"  کا نام دیتے ہوئے امریکی صدر نے اپنے حامیوں پر زور دیا کہ وہ اس طرح ووٹ دیں جیسے وہ خود ذاتی طور پر امیدوار ہوں۔