استنبول کے بحیرہ مارمرا میں 2 بحری جہازوں کے درمیان ٹکراو کے نتیجے میں عملے کے 10 افراد لاپتہ ہو گئے ہیں۔
استنبول گورنر دفتر کے اعلان کے مطابق بحیرۂ مارمرا میں سِلیوری کے ساحل کے قریب دو تجارتی بحری جہاز آپس میں ٹکرا گئے، حادثے کے نتیجے میں عملے کے 10 افراد لاپتہ ہو گئے ہیں۔
گورنردفتر کے بیان کے مطابق ترک پرچم بردار تجارتی جہاز 'آلسُو' قوجاایلی سے علی آغا کی جانب سفر کر رہا تھا اور 'توغ برق امام اوغلو' نامی ترک پرچم بردار تجارتی جہاز کا رُخ اسکندرون بندرگاہ سے بحیرۂ اسود کے علاقے قارادینیز ایریلی کی طرف تھا۔ دونوں جہاز بدھ کی صبح تقریباً 03:00 بجے سِلیوری سے تقریباً 18 سمندری میل جنوب میں آپس میں ٹکرا گئے ہیں"۔
محکمہ ساحلی تحفظ ڈائریکٹریٹ، کوسٹ گارڈ مارمرا اور آبنائے کمانڈ سے منسلک متعدد بحری یونٹ اور کوسٹ گارڈ کا ایک ہیلی کاپٹر جائے حادثہ کی طرف پر روانہ کر دیئے گئے ہیں۔
استنبول گورنر دفتر نے کہا ہے کہ"علاقے میں پہنچنے والی یونٹوں کی ابتدائی جانچ پڑتال کے مطابق آلسُو نامی جہاز میں بظاہر کوئی نقصان نظر نہیں آیا لیکن 'توغ برق امام اوغلو' نامی تجارتی بحری جہاز اور اس میں موجود 10 اہلکاروں سے فی الحال رابطہ نہیں ہو پا رہا۔ علاقے میں تلاش و بچاو کا کام جاری ہے۔"
