سانا نیوز ایجنسی کے مطابق، شام کے وزیر خارجہ اسعد حسن شیبانی نے منگل کے روز دمشق میں ڈنمارک کے وزیرِ خارجہ لارس لوکے راسموسن سے ملاقات کی۔ مذاکرات میں دوطرفہ تعلقات اور تعاون کو مزید مضبوط بنانے سے متعلقہ امور پر تبادلہ خیال کیا گیا ہے۔

ملاقات تشرین محل میں طے پائی تاہم مذاکرات کے حوالے سے مزید تفصیلات فراہم نہیں کی گئیں۔

یہ ملاقات راسموسن کے 14 سال کے وقفے کے بعد دمشق میں ڈنمارک  سفارت خانے کے دوبارہ افتتاح کے لئے اور شیبانی کی بھی شرکت سے منعقدہ  تقریب  سے ایک روز بعد ہوئی ہے۔

راسموسن نے کہا ہے کہ ڈنمارک نے رواں سال شام کی تیز رفتار بحالی، استحکام اور شامی پناہ گزینوں کی واپسی میں مدد کے لیے مزید 76 ملین ڈالر مختص کیے ہیں۔ دوسری جانب شیبانی نے کہا ہے کہ سفارت خانے کا دوبارہ کھولا جانا شام اور ڈنمارک کے تعلقات میں ایک نئے باب کا آغاز ہے۔

ڈنمارک کے وزیر خارجہ نے پیر کے روز شام کے صدر احمد الشرع سے بھی ملاقات کی۔ ملاقات میں دوطرفہ تعلقات کے علاوہ شام میں استحکام کے فروغ کے لیے بحالی اور تعمیرِ نو کے شعبوں میں تعاون پر بھی بات چیت کی گئی۔

واضح رہے کہ شیبانی اور راسموسن اس سے قبل مئی میں برسلز میں بھی ملاقات کر چکے ہیں۔ اس ملاقات میں سیاسی اور انسانی بنیادوں پر تعاون کو وسعت دینے اور شام میں استحکام کی کوششوں کی حمایت سے متعلق امور زیرِ بحث آئے تھے۔