امریکی  امور خارجہ نے  اعلان کیا ہے کہ امریکہ نے عراق کو Bell 412EPX اور Bell 407M ہیلی کاپٹروں اور ان سے متعلقہ آلات کی فراہمی پر مشتمل 800 ملین ڈالر مالیت کی فوجی فروخت کی منظوری دے دی ہے۔

اس پیکیج میں ہیلی کاپٹر، GAU-19 تھری بیرل مشین گنز، راکٹ سسٹمز، الیکٹرو آپٹک/انفراریڈ سینسرز، میزائل لانچ ڈیٹیکشن سسٹمز، ریڈیوز، اسپیئر پارٹس اور گراؤنڈ سپورٹ کا سامان شامل ہے۔

وزارت کے بیان کے مطابق، اس فروخت کے پیکیج میں پائلٹ اور دیکھ بھال کی تربیت کے ساتھ ساتھ امریکی حکومت اور کنٹریکٹر کمپنیوں کی انجینئرنگ، تکنیکی اور لاجسٹک مدد بھی شامل ہے۔

وزارت نے یہ بھی بتایا کہ یہ مجوزہ فروخت ایک اسٹریٹجک پارٹنر کی  دفاعی  صلاحیت کو مضبوط بنا کر امریکہ کی خارجہ پالیسی اور قومی سلامتی کے مفادات کا تحفظ کرے گی۔

وزارت کے مطابق، اس پیکیج کا مقصد خاص طور پر عراق کی روٹری ونگ ٹرانسپورٹ ،جاسوسی اور فضا سے زمین پر ہدف بنانے کی صلاحیتوں کو بہتر بنانا ہے تاکہ ملک کی موجودہ اور مستقبل کے خطرات سے نمٹنے کی طاقت میں اضافہ کیا جا سکے۔