یوکرین نے ملک کے جنوبی حصے میں ایک تجارتی جہاز اور بحیرۂ اسود میں دو دیگر جہازوں پر روسی حملوں کے نتیجے میں ایک جہاز کے کپتان سمیت تین افراد کے ہلاک ہونے کا اعلان کیا ہے۔
علاقائی فوجی انتظامیہ کے سربراہ اولیہ کیپر نے کہا ہے کہ "دشمن نے شام کے وقت اوڈیسا کے علاقے میں بندرگاہی بنیادی ڈھانچے پر ایک نیا حملہ کیا ہے۔ حملے کے دوران دشمن کے ڈرون نے مارشل جزائر کے پرچم بردار ایک سول تجارتی جہاز کو نشانہ بنایا ہے"۔
کیپر نے منگل کو ٹیلیگرام سے جاری کردہ بیان میں کہا ہے کہ "حملے کے نتیجے میں جہاز میں آگ بھڑک اٹھی اور افسوس کے ساتھ کہنا پڑتا ہے کہ دو افراد ہلاک ہو گئے ہیں"۔
انہوں نے مزید کہا ہے کہ " ایک جہاز کا کپتان ہلاک ہو گیا اور باقی 11 رکنی عملے کو بحفاظت نکال لیا گیا ہے۔ عملے کے تین افراد زخمی ہیں۔
اس سے قبل ایک بیان میں کیپر نے بحیرۂ اسود میں سفر کرتے، تنزانیہ اور لائبیریا کے پرچم بردار، دو تجارتی جہازوں کے بھی حملے کی زد میں آنے کا اعلان کیا تھا۔
