ترکی کی قومی فٹبال ٹیم نے فلوریڈا کے شہر فورٹ لاڈرڈیل میں واقع 'فلوریڈا بلیو ٹریننگ سینٹر’ میں اپنا پہلا تربیتی سیشن مکمل کرکے فیفا ورلڈ کپ کی تیاریوں کا آغاز کر دیا ہے۔
ٹیم نے ہیڈ کوچ 'ونسینزو مونٹیلا' کی قیادت میں تربیتی سرگرمیوں کا آغاز کیا۔
مونٹیلا نے منگل کے روز ورلڈ کپ کے لیے اپنی ٹیم کا اعلان کیا۔ ٹیم کے میں نمایاں کھلاڑیوں میں خاقان چلہان اوغلو، آردا گلیر، کرم آق ترک اوغلو اور بارش آلپر یلماز شامل ہیں۔
وینزویلا کے خلاف دوستانہ میچ
ترکیہ کی قومی ٹیم 6 جون کو وینزویلا کے خلاف ورلڈ کپ کی تیاریوں کے سلسلے میں 'انٹر میامی سی ایف اسٹیڈیئم میں ایک بین الاقوامی دوستانہ میچ کھیلے گی۔
وینزویلا کے خلاف میچ کے بعد ترکیہ قومی ٹیم اپنی توجہ ورلڈ کپ کے گروپ ڈی کے مقابلوں پر مرکوز کرے گا۔
ٹیم 13 جون کو آسٹریلیا، 20 جون کو پیراگوئےاور 26 جون کو میزبان امریکہ کے مقابل میدان میں اترے گی۔
گروپ ڈی کی دیگر ٹیموں کے برعکس، ترکیہ نے اپنا مرکزی کیمپ ریاست آریزوناکے، 24 کثیرالمقاصد تربیتی میدانوں والے شہر، 'میسا' میں قائم کرنے کا فیصلہ کیا ہے ۔
فیفا ورلڈ کپ 2026 امریکہ، میکسیکو اور کینیڈا کی مشترکہ میزبانی United میں 11 جون کو شروع ہوگا اور 19 جولائی تک جاری رہے گا۔ ٹورنامنٹ میں 48 ممالک شرکت کریں گے۔
