حکومتی ذرائع نے انادولو کو بتایا  کہ  امریکی نائب صدر جے ڈی وینس کی قیادت میں ایک وفد امریکی ایئر فورس ٹو طیارہ ہفتے کی صبح پاکستانی دارالحکومت اسلام آباد پہنچا ۔  یہ وفد  دو ہفتے کی جنگ بندی کے دوران مشرقِ وسطیٰ کے تنازع کے خاتمے کے لیے ایران کے ساتھ اہم و حساس مذاکرات کرے گا۔

ذرائع نے مزید بتایا کہ راولپنڈی کے  نور خان ایئر بیس راولپنڈی میں، امریکی وفد کے ارکان اور صحافیوں کو لے کر مزید دو طیارے بھی اترے۔

امریکی وفد میں خصوصی ایلچی اسٹیو وِٹکوف اور صدر ڈونلڈ ٹرمپ کے داماد جیرڈ کشنر بھی شامل ہیں۔

یہ 2011 کے بعد کسی امریکی نائب صدر  کا پہلا دورہ پاکستان ہے۔

ایرانی وفد کی قیادت پارلیمنٹ کے اسپیکر باقر قالیباف کر رہے ہیں، اور اس میں وزیرِ خارجہ عباس عراقچی اور قومی سلامتی کونسل کے نائب علی باقری  سمیت کئی  دیگر افراد شامل ہیں؛ یہ وفد  بروز جمعہ رات گئے   اسلام آباد پہنچا۔

اسلام آباد مذاکرات

پاکستان اس سنگِ میل مذاکرات کی میزبانی کر رہا ہے جنہیں 'اسلام آباد مذاکرات' کہا جا رہا ہے، اور توقع کی جا رہی ہے کہ یہ براہِ راست اور بالواسطہ دونوں انداز میں ہوں گے۔

پاکستانی حکام کے مطابق یہ مذاکرات، جو پاکستان کے زیرِ قیادت ثالثی میں ہو رہے ہیں، دارالحکومت کے ایک غیر معلوم اورانتہائی محفوظ مقام پر ہو رہے ہیں اور 'کئی دن' تک جاری رہ سکتے ہیں۔

اسلام آباد کی نمائندگی کے لیے پاکستان کے وزیرِ خارجہ اسحاق ڈار مذاکرات میں شرکت کریں گے، جنہیں وزیرِ اعظم شہباز شریف نے 'دائمی جنگ بندی کے حصول کے لیے فیصلہ کن' قرار دیا ہے۔

ایک سینئر حکومتی عہدیدار نے انادولو کو بتایا کہ دونوں وفود الگ الگ طور پر بھی شہباز شریف سے ملاقات کریں گے۔