سرکاری خبر رساں ایجنسی SUNA نے ہفتہ کو رپورٹ کیا ہے کہ سوڈانی خود مختار کونسل کے صدر عبد الفتاح الابرہان نے کہا ہے کہ سوڈانی مسلح افواج (SAF) اب بھی پیراملیڑی ریپڈ سپورٹ فورسز (RSF) کو شکست دینے کے عزم پر قائم ہیں،  مگر  انہوں نے صحیح معنوں میں  امن اقدامات  کے لیے ان کے دروازے کھلے ہونے پر زور دیا  ہے۔

سرکاری ایجنسی SUNA کے مطابق سوڈانی مسلح افواج کی 72ویں سالگرہ کے موقع پر ایک خطاب میں، الابرہان نے جمعہ کو کہا کہ فوج کا RSF کے خلاف لڑنے اور اسے شکست دینے کا عزم  یہ مفہوم نہیں رکھتا کہ  ہم کسی بھی حقیقی امن پہل  سے نظریں دور کر لیں گے'۔

"ہماری کوششیں باغی کے ابتدائی مہینوں سے اس سمت جاری رہی ہیں، لیکن ہم نامکمل امن یا ایسا امن قبول نہیں کریں گے جو مجرموں اور قاتلوں، RSF کے کمانڈر محمد حمدان دقلو کی ملیشیا اور اس کے حامیوں کو دوبارہ اقتدار میں شراکت دے دے۔"

برہان  نے بتایا کہ "ہماری پوزیشن مئی 2023 سے واضح رہی ہے: امن کا راستہ اسی ملیشیا کے ہتھیار ڈالنے اور مخصوص علاقوں میں جمع ہونے، شہریوں کے اپنے علاقوں میں واپس جانے، اور معمول کی زندگی، خدمات، سکیورٹی، حفاظت اور نگرانی کی واپسی سے شروع ہوتا ہے،"

انہوں نے مزید کہا"اس کے بعد، ان کی صورتِ حال پر غور کیا جا سکتا ہے۔"

خالص سوڈانی مکالمہ

سیاسی محاذ پر، الابرہان نے کہا کہ انہوں نے ان قومی اور شعبہ جاتی گروپوں کے ساتھ مکالمہ شروع کیا ہے 'جنہوں نے سوڈانی ریاست کی حمایت کی اور اس کی یکجہتی اور اداروں کی پشت پناہی کی' تاکہ انہیں ریاستی اداروں، بشمول مقننہ، مکمل کرنے میں شامل کیا جا سکے۔

انہوں نے  مقننہ کونسل  کے قیام کو 'آئینی تقاضا' قرار دیا۔

برہان نے کہا کہ ملک کی 'تناؤ زدہ سیاسی حقیقت' کے درمیان کچھ سوڈانی مرد و خواتین نے خود اپنی پہل شروع کی ہے جو 'اس مضبوط یقین' پر مبنی ہے کہ اس آزمائش پر قابو پانا صرف خالصتاً سوڈانی مکالمے کے ذریعے ممکن ہے۔

ان کا کہنا تھا کہ ایسی گفت و شنید 'اندر سے شروع ہو اور تمام سیاسی اور سماجی قوتوں کو شامل کرے' اور اس میں 'شہریوں کے دکھ اور ان کے امن کے حق' کو اپنے مقاصد کے مرکز میں رکھا جائے۔

اپریل 2023 سے سوڈان، فوج اور RSF کے درمیان جھڑپوں میں گرا ہو ہت ، ایک جنگ جس نے اقوامِ متحدہ اور بین الاقوامی اندازوں کے مطابق ہزاروں  افراد کو ہلاک کیا اور تقریباً 13 ملین افراد کو بے گھر کر دیا ہے۔